ગ્રીષ્મનું ગાન


Grishma nu Gaan

To read the article on Feeling Gujarati Online Magazine, click on this image.

આદરણીય કવિશ્રી,
કુશળ હશો.

મા સરસ્વતીની પ્રેરણાથી અમે સહુ ગુજરાતી કવિતાના ચાહકોએ ભેગા થઈને તડકો, ગ્રીષ્મ ઋતુ અને ચૈતર-વૈશાખના વાયરાનો મહિમા ગાનાર સર્વ કવિઓ માટે એક ખુલ્લા અધિવેશનનું આયોજન કર્યું છે અને એમાં એક ઋતુપ્રેમી કવિ તરીકે આપને ભાવભીનુ આમંત્રણછે.

અધિવેશનનું સ્થળ યુનિવર્સીટી ગ્રાઉન્ડ, અમદાવાદ ખાતે રાખેલ છે, જેનો સમય બપોરે એક વાગ્યાથી ચાર વાગ્યા સુધીનો રહેશે. અધિવેશન ખુલ્લું છે,અર્થાત અધિવેશનના સ્થળ પર માંડવો કે ચંદરવો બાંધવામાં નહિ આવે!

અધિવેશનનો હેતુ કવિઓને ગરમીની લોકોના શરીર અને દિમાગ પર થતી અસરથી વાકેફ કરવાનો તો છે જ, ઉપરાંત ગ્રીષ્મ ઋતુને બિરદાવતા તથા એનો આનંદ લેવા પ્રેરતા કાવ્યો લખવા પાછળનો સર્જકોનો હેતુ તથા તેમની સર્જન પ્રક્રિયા વિશે ભાવકોને પ્રત્યક્ષ નિદર્શન દ્વારા સમજ આપવાની તક આપવાનો પણ છે. આ હેતુસર અધિવેશનના સ્થળ પર જ એક કાર્યશાળાનું પણ આયોજન કરેલ છે જેમાં હાજર રહેનાર સર્વે કવિઓએ ગ્રીષ્મ ઋતુનો મહિમા ગાતા બબ્બે ગીત/ કવિતાઓ સ્થળ પર જ લખીને તેનું પઠન કરવાનું રહેશે.

કવિતાનાં વિષયવસ્તુ અંગેની પ્રેરણા માટે કવિશ્રીએ આસપાસમાં આવેલાવૃક્ષ, લતા મંડપો, વનરાજી, આમ્ર મંજરીઓ, ગુલમહોર, ગરમાળો વગેરે પૈકી સ્થળપર જે હાજર હોય તેના પર જ આધાર રાખવાનો રહેશે. અધિવેશનના સ્થળે હાંફતું કુતરું, મોર, કોયલ, ચાતક, બપૈયો વગેરે પ્રાણી કે પક્ષીઓ ઉપસ્થિત રહેશે જ એ બાબતે કોઈ ખાતરી આપવામાં આવતી નથી. ઉપરાંત  સ્થળ પર હાજર પક્ષીઓ ટહુકા કે અન્ય અવાજ કરશે જ એની પણ કોઈ ખાતરીઆપવામાં આવતી નથી. આ માટે આયોજકો દ્વારા કોઈ ખાસ પ્રયત્ન પણ કરવામાં નહિ આવે. આથી ‘આમ્રકૂંજમાં કોયલ ટહુકે તો કંઈક સુઝે’ એવા વ્યર્થ પ્રલાપ કરવા નહિ. નાવીન્ય ખાતર કવિતામાં અન્ય પક્ષીઓ જેવા કે કાબરો દિવાળી ઘોડો, દૈયડ, ટૂકટૂકીયો, દેવ ચકલી, કાગડો, દરજીડો, કાબર, લેલા વગેરેનો ઉલ્લેખ કરવામાં આવે એ આવકાર્ય ગણાશે.

‘રાધા અને કૃષ્ણ સર્વ વ્યાપી છે અને એ વિષય પર જેટલું લખો એટલું ઓછું છે’ – સાક્ષરોના આ વિધાન સાથે આયોજકો સંપૂર્ણ સંમત છે. પરંતુ ભાગવાન કૃષ્ણ એ ઉનાળામાં કોઈ ખાસ પ્રવૃત્તિ કે લીલા કરી હોય એવું આયોજકોના ધ્યાનપર નથી. વળી શ્રી કૃષ્ણ વનમાં વાંસળી વગાડતા, યમુનાજીમાં નહાતા કે કિનારે ગેડી દડો વગેરે રમતા, પરંતુ એવું બધું એ ગ્રીષ્મ ઋતુમાં જ કરતા એવો કોઈ ઉલ્લેખ મળતો નથી અને લાલાનું આટલું ધ્યાન રાખનારા યશોદા મૈયા એમને તાપમાં રખડવા દે એ વાતમાં પણ માલ નથી. એટલે સદર પાત્રો અધિવેશનના વિષય સાથે સંબંધિત ન હોઈ કવિઓએ ઉર્મિઓના દબાણને વશ થયા વગર એમના ઉલ્લેખથી દુરરહેવાનું રહેશે. અમે જાણીએ છીએ કે ગુજરાતી કવિઓ માટે આ બહુ જ અઘરું છે પણ એ જરૂરી છે.

ઈન્ટરનેટ પર પોતાની વેબસાઈટ, બ્લોગ કે ફેસબુક પર ગ્રીષ્મ ઋતુ પરની કવિતા Upload કરનાર, એને ‘Like’ કરનાર, એની પર Comment કરનાર, માણનાર અને વખાણનાર તમામે હાજર રહેવુ ફરજીયાત છે. આ માટે ઉનાળા પર છંદબધ્દ્ધ કે અછાંદસ, હાઈકુ કે મુક્તક કે પછી બે પંક્તિઓ કે ‘ખુબ ગરમી છે’ એવી  ભાવવાહી શબ્દાવલી રચનારને પણ કવિ ગણવાનું ધોરણ રાખેલ છે. એટલે આપની આસપાસ જો કોઇ આવી છુપી પ્રતિભાઓ હોય તો તેમની વિગતો મોકલી આપવા વિનંતિ છે જેથી કરીને એમનો પણ અધિવેશનમાં લાભ લઈ શકાય.

અધિવેશનમાં આવવા માટે વાહનની વ્યવસ્થા રાખેલ છે. સર્વે કવિઓને નિજગૃહેથી અધિવેશનના સ્થળ સુધી પહોંચાડવા માટે નગરની વ્યાયામશાળાના ઉત્સાહી સ્વયંસેવકોએ સ્વખર્ચે સેવાઓ આપવા તૈયારી બતાવેલ છે. તેઓ જ્યારેઆપનાં ઘરે પધારે ત્યારે આપે નિમંત્રણને માન આપીને વિના આનાકાનીએ તેમની સાથે આવવાનું રહેશે. સ્વયંસેવકો સંયમી છે અને વિના કારણે કોઇપણ જાતની જોરજબરજસ્તી કરે એવા નથી એ બાબતની આપ ખાતરી રાખશો. અધિવેશનની સમાપ્તિ બાદ સહુએ સ્વખર્ચે સ્વગૃહે જવાનું રહેશે.

અધિવેશનમાં રચનાઓ રજુ કરવા માટે કોઈ પુરસ્કાર રાખવામાં આવેલ નથી. કાર્યક્રમના આરંભે સર્વે કવિઓનું શાલ ઓઢાડીને સન્માન કરવામાં આવશે જે સર્વે એ કાર્યક્રમની સમાપ્તિ સુધી ઓઢીરાખવાની રહેશે. વધુમાં જે કવિઓ મોબાઈલ ધરાવતા હશે તેઓને અધિવેશનના સંભારણા તરીકે આયોજકો તરફથી ‘ટહુકા’નો રીંગટોન મફતમાં ડાઉનલોડ કરી આપવામાં આવશે.

તો ચાલો, સહુ મળીને ગ્રીષ્મ ઋતુનાં ઓવારણા લઈએ અને મીઠા મધુરા ગીતો દ્વારા તેના આગમનને ભાવથી વધાવીએ …

અસ્તુ.
લી.
આપનો અર્ધબુદ્ધિ મિત્ર,
‘બધિર’ અમદાવાદી

सुन भाई साधो …

ગાલ ઉપર ખીલ અને ખંજન બન્ને હોય તો …
… નદી કે પહાડ રમી શકાય.
8,739

About 'બધિર' અમદાવાદી

Columnist with: નવગુજરાત સમય દૈનિક (Jointly with Adhir Amdavadi) ફીલિંગ્ઝ ગુજરાતી મેગેઝીન (કહત બધિરા) Wrote for: મારી સહેલી મેગેઝીન (Monkey बात) અભિયાન મેગેઝીન (Special issues) દિવ્ય ભાસ્કર ડોટ કોમ (બધિર ખડા બાઝાર મેં)
This entry was posted in कहत बधिरा... and tagged , , , , , , , . Bookmark the permalink.

10 Responses to ગ્રીષ્મનું ગાન

  1. rekha patel (Vinodini) કહે છે:

    કવિતાનાં વિષયવસ્તુ અંગેની પ્રેરણા માટે કવિશ્રીએ આસપાસમાં આવેલાવૃક્ષ, લતા મંડપો, વનરાજી, આમ્ર મંજરીઓ, ગુલમહોર, ગરમાળો વગેરે પૈકી સ્થળપર જેહાજર હોય તેના પર જ આધાર રાખવાનો રહેશે. અધિવેશનના સ્થળે હાંફતુંકુતરું, મોર, કોયલ, ચાતક, બપૈયો વગેરે પ્રાણી કે પક્ષીઓ ઉપસ્થિત રહેશે જ એબાબતેકોઈ ખાતરી આપવામાં આવતી નથી. ઉપરાંત સ્થળ પર હાજર પક્ષીઓ ટહુકા કે અન્ય અવાજ કરશે જ એની પણ કોઈખાતરીઆપવામાં આવતી નથી. આ માટે આયોજકો દ્વારા કોઈ ખાસ પ્રયત્નપણકરવામાં નહિ આવે. આથી ‘આમ્રકૂંજમાં કોયલ ટહુકે તો કંઈક સુઝે’ એવા વ્યર્થ પ્રલાપકરવાનહિ. નાવીન્ય ખાતર કવિતામાં અન્ય પક્ષીઓ જેવા કે કાબરોદિવાળીઘોડો, દૈયડ, ટૂકટૂકીયો, દેવ ચકલી, કાગડો, દરજીડો, કાબર, લેલા વગેરેનોઉલ્લેખ કરવામાં આવે એઆવકાર્ય ગણાશે. lol

    Like

  2. Naresh K Dodia કહે છે:

    કવિતાનાં વિષયવસ્તુ અંગેની પ્રેરણા માટે કવિશ્રીએ આસપાસમાં આવેલાવૃક્ષ, લતા મંડપો, વનરાજી, આમ્ર મંજરીઓ, ગુલમહોર, ગરમાળો વગેરે પૈકી સ્થળપર જેહાજર હોય તેના પર જ આધાર રાખવાનો રહેશે. અધિવેશનના સ્થળે હાંફતુંકુતરું, મોર, કોયલ, ચાતક, બપૈયો વગેરે પ્રાણી કે પક્ષીઓ ઉપસ્થિત રહેશે જ એબાબતેકોઈ ખાતરી આપવામાં આવતી નથી. ઉપરાંત સ્થળ પર હાજર પક્ષીઓ ટહુકા કે અન્ય અવાજ કરશે જ એની પણ કોઈખાતરીઆપવામાં આવતી નથી. આ માટે આયોજકો દ્વારા કોઈ ખાસ પ્રયત્નપણકરવામાં નહિ આવે. આથી ‘આમ્રકૂંજમાં કોયલ ટહુકે તો કંઈક સુઝે’ એવા વ્યર્થ પ્રલાપકરવાનહિ. નાવીન્ય ખાતર કવિતામાં અન્ય પક્ષીઓ જેવા કે કાબરોદિવાળીઘોડો, દૈયડ, ટૂકટૂકીયો, દેવ ચકલી, કાગડો, દરજીડો, કાબર, લેલા વગેરેનોઉલ્લેખ કરવામાં આવે એઆવકાર્ય ગણાશે.lol

    Like

  3. Ketan કહે છે:

    jordar adhiveshan aamantran badal aabhar.

    Like

  4. અનામિક કહે છે:

    આમંત્રિત કવિ ઓ માટે ગરમ ભજીયા કે ગરમાગરમ ચા દૂધ ની વ્યવસ્થા ની માંગણી અસ્થાને નથી એવું અમારું માનવું છે…આનાથી કવિતા બહુ આસાની થી સ્ફૂર્સે કવિ મસ્તિક માં , અને આવું ગરમ સર્વ કર્યા પછી પણ જો અમુક કવીઓ કવિતા ની કબજીયાત થી પીડાતા હોઈ તો એમને બપોરના ખુલ્લા તડકામાં કાળા રેકઝીન ની સીટ વાળા પાર્ક કરેલ સ્કુટર ઉપર દસ મિનીટ બેસાડવાથી કવિતા મકાઈ ની ધાણી ની જેમ ફૂટશે કવિ મુખ થી એની અમે ખાતરી આપીએ છીએ…..હા તેમાં અમુક સુરતી ગાળો પણ વણાઈ ને નીકળે એવી શકયતા છે ….અમારા સૂચન ને તમારા કાર્યક્રમ માં સામેલ કરવા વિનંતી…અસ્તુ …

    Like

    • અનામિક કહે છે:

      હા હા … મદ્રાસી કવિઓ માટે ઇડલી વડા રસમની વ્યવસ્થા પણ રાખીશું રમેશભાઇ…
      બધિર અમદાવાદી

      Like

  5. Ramesh Thaker કહે છે:

    આમંત્રિત કવિ ઓ માટે ગરમ ભજીયા કે ગરમાગરમ ચા દૂધ ની વ્યવસ્થા ની માંગણી અસ્થાને નથી એવું અમારું માનવું છે…આનાથી કવિતા બહુ આસાની થી સ્ફૂર્સે કવિ મસ્તિક માં , અને આવું ગરમ સર્વ કર્યા પછી પણ જો અમુક કવીઓ કવિતા ની કબજીયાત થી પીડાતા હોઈ તો એમને બપોરના ખુલ્લા તડકામાં કાળા રેકઝીન ની સીટ વાળા પાર્ક કરેલ સ્કુટર ઉપર દસ મિનીટ બેસાડવાથી કવિતા મકાઈ ની ધાણી ની જેમ ફૂટશે કવિ મુખ થી એની અમે ખાતરી આપીએ છીએ…..હા તેમાં અમુક સુરતી ગાળો પણ વણાઈ ને નીકળે એવી શકયતા છે ….અમારા સૂચન ને તમારા કાર્યક્રમ માં સામેલ કરવા વિનંતી…અસ્તુ …

    Like

  6. miteshpathak કહે છે:

    —–[] =======[] ====={}
    (હથોડી, હથોડો અને ગદા એક સાથે)
    કવિઓને ક્યારેય કાળના બંધન નડતા નથી
    કવિ ખુદ જ કાળ છે તે કોઈનું સમજતા નથી

    વરસતા વરસાદના ટીંપા ગણવાની કવાયત
    કરતો એ કવિ, ટીપે ટીપે મુંજવતો પસાયત

    પોંખતો વસંતમાં વરસાદના છાંટા
    અક્કલના એને કાયમી છે આંટા

    ઉમળકા એવા કે ગટરને જોઈ મલકે
    સુલભ બહારના રેલા જોઈ એ છલકે

    કુતરા તણી ભાષામાં લલકારતો કવિતા એમ
    એને જોઈ સકળ જગમાં હાહાકાર થાય જેમ

    મારસે ઉલાળા અને ફેલાવશે ચીત્કારની ભરમાર
    ભલે ને આવતો વરસાદ, કવિ તું તારૂં કામકર

    આ એક એવી છે પ્રજાતી, કેમ છે ન પુછશો એને શું કરસ?
    અદભુત છે એની વીટંબણા, ઝીંકશે છપ્પન લીટીં અછાંદ્સ

    #કોઈ_પણ_જાતની_બંધબેસતી_પાઘડી_એ_આકસ્મીક_છે

    Like

  7. અહા…

    મને બહુ હસવું પણ આવ્યું… ખૂબ જ ધારદાર કટાક્ષ… જય હો…

    Liked by 1 person

આપનો પ્રતિભાવ અમારા માટે અમુલ્ય છે. પ્રતિભાવ આપતી વખતે નીચે આપનું નામ લખવાનું ચૂકશો નહિ.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s