મોબાઈલમાં લાઈસન્સ પ્રથા લાગુ થાય તો!


NGSમણાં ગોંડલનાં મહારાજાનાં સમયનો બાઈસીકલ રાખવાનો પરવાનો સોશિયલ મીડિયા પર ફરતો થયો છે. એક જમાનામાં રેડિયો, ટીવી, ટ્રાન્સમીટર, સાયકલ, સ્કુટર જેવી વસ્તુઓનો યોગ્ય અને શિસ્તબદ્ધ ઉપયોગ થાય તે માટે લાઈસન્સ પ્રથા દાખલ થયેલી. આમ જોવા જઈએ તો મોબાઈલના ઉપયોગ ઉપર પણ નિયંત્રણો મુકવા પડે એમ છે કારણ કે આજકાલ જેને જુઓ તે મોબાઈલ નામના ભાણીયાને રમાડવામાં મશગુલ દેખાય છે. આ વ્યક્તિના જ નહિ દેશના સમયની બરબાદી છે જેની ઉપર રોક લગાવવી જ રહી. અમારી તો માગણી છે કે મોબાઈલમાં પણ કેટલીક શરતોને આધીન લાઈસન્સ આપવવાની પ્રથા દાખલ કરવામાં આવે અને એનો દુરુપયોગ કરનારને તાત્કાલિક સજા કરી શકાય એવા કાયદા બનાવવામાં આવે. અહીં અમે એની ટર્મ્સ એન્ડ કન્ડીશન્સની એક યાદી આપી છે, સરકાર ચાહે તો એનો લાભ લઇ શકે છે.

To read this and other articles online on Navgujarat Samay daily news paper. click on the image.

To read this and other articles online on Navgujarat Samay daily news paper. click on the image.

મોબાઈલમાં ‘ચીકની ચમેલી’ કે ‘શીલા કી જવાની’ ટાઈપના રીંગટોન રાખ્યા હોય તો ઓફિસની મીટીંગ, મંદિર કે બેસણામાં જતા પહેલાં મોબાઈલ સાયલન્ટ પર મૂકી દેવો. બેસણામાં જેમ સાદા કપડાં પહેરીને જાવ છો એમ જ માઠા પ્રસંગે જતી વખતે બેસિક ફેસીલીટી સાથેનો સાદો મોબાઈલ લઈને જવું. તમે શોક કરાવવા માટે જાવ છો, શો ઓફ કરવા માટે નહિ. બેસણામાં શાંતિ જળવાય એ માટે બેસણાના આયોજકે વેલેટ પાર્કિંગની જેમ મોબઈલ માટે અલગ જગ્યા ફાળવવી અને મોબાઈલનું બેસણું અલગ રાખવું.

ફોન કરી ને પોતાની ઓળખાણ આપ્યા સિવાય અને તમારે કોનું કામ છે એ કહ્યા સિવાય ‘હેં, તમે કોણ બોલો છો?’ એવું પૂછવું નહિ.

મોબાઈલમાં આરતીનો રીંગટોન રાખ્યો હોય તો ખીસ્સામાં પ્રસાદ પણ રાખવો અને દરેક કોલ પછી આસપાસના હરિભક્તોમાં વહેચવો.

સ્મશાનમાં હોવ તો ત્યાંથી સોશિયલ મીડિયામાં ચેક-ઇન કરવું નહિ. Feeling excited at સપ્તર્ષિનો આરો with Babubhai & Bachubhai લખો તે સારું ન દેખાય.

નવતર રીંગટોન રાખવાનો શોખ હોય તો ઓફીસ જેવી રોજ જવાનું હોય તેવી જગ્યાઓ પર લોકોને ત્રાસ ન થાય એટલા ખાતર ફોન સાઈલન્ટ રાખવો. દિવસમાં પંદર વખત ‘નયનને બંધ રાખીને …’ સાંભળીને કોઈની પણ ખોપડી હટી કે ફાટી શકે છે.

સેલીબ્રીટી સાથે સેલ્ફી પાડતી વખતે યાદ રાખો કે સેલીબ્રીટી એ છે, તમે નહિ. ફ્રેમમાં સેલીબ્રીટી માટે પુરતી જગ્યા રાખવી.

થિયેટરમાં ફિલ્મ જોતી વખતે ફિલ્મ જોવી, ડોકટરો સિવાય કોઈએ ધંધો કરવો નહિ.

તમારો અવાજ મોબાઈલના માઈક સુધી જાય એટલું પુરતું છે. આખી સોસાયટીને અને રેકી કરવા નીકળેલા ચોરોને તમારો વેકેશનનો પ્રોગ્રામ જાણ થાય એટલા મોટા અવાજે વાત કરવી નહિ.

તમારી પાસે મોબાઈલ હોય તો એનો નંબર પણ તમને મોઢે હોવો જોઈએ. કોઈ તમારો નંબર પૂછે ત્યારે મોબાઈલમાં ફાંફા મારી લોકોનો સમય બગાડવો નહિ.

ફોન પર સામેવાળી વ્યક્તિને તમે ક્યાં છો એ જણાવો ત્યારે એ જગ્યાના નામ વિષે આજુબાજુ ઉભેલા બે લોકોનો અભિપ્રાય લીધા વગર જવાબ ન આપવો. ખાસ કરીને કોઈના લગ્નમાં મ્હાલતા હોવ ત્યારે ‘દુરના કાકા ઓફ થઇ ગયા છે એટલે સ્મશાનમાં આયો છું’ એવું કહો ત્યારે આજબાજુના લોકોની લાગણીનો વિચાર કરવો.

કોઈને પહેલીવાર SMS કે વોટ્સેપ મેસેજ મોકલો ત્યારે નીચે તમારું નામ ફરજીયાત લખવું.

ચાલુ વાતચીતે ‘1’ ડાયલ કરવાથી વાતચીત દરમ્યાન મીનીટમાં ત્રણથી વધુવાર ‘બીજું શું ચાલે છે?’ પૂછનારના ટોક ટાઈમમાંથી એક રૂપિયો કપાઈ જશે.

ચાલુ વાતચીતે ‘2’ ડાયલ કરવાથી પોતાની ઓળખાણ આપ્યા સિવાય ચાલુ પડી જનારના ખાતામાંથી એક રૂપિયાનો ટોક ટાઈમ કપાઈ જશે.

એક અઠવાડિયામાં એક જ વ્યક્તિને ત્રણથી વધુ વાર ‘Good Morning’ કે ‘Good Night’નો મેસેજ મોકલનારની મેસેજ સર્વિસ એક મહિના માટે સસ્પેન્ડ કરી દેવામાં આવશે.

તમારા ગુજરાતીમાં ટાઈપ કરેલા મેસેજના જવાબમાં ‘mara mobile ma gujarati font vanchata nathi’ લખનાર વ્યક્તિને મોબાઈલ ઈલલીટરેટ જાહેર કરવામાં આવશે.

ચાલુ વાહને વાત કરતી વ્યક્તિનો ફોન જપ્ત કરવામાં આવશે. આવી વ્યક્તિ પરણિત હશે તો તેના ફોનના મેસેજનો ડેટા એના બેટર હાફને સોંપવામાં આવશે.

એડ્રેસ શોધવા અનિવાર્ય સંજોગોમાં જ મોબાઈલનો ઉપયોગ કરવો. ‘હવે હુ અહીં ટાવર પાસે ઉભો છું, ત્યાંથી તમારા ઘેર આવવા શું કરું?’ જેવું પૂછનારનાં ટોક ટાઈમમાંથી તાત્કાલિક દસ રૂપિયા કપાઈ જશે.

આસપાસનાં સડસઠ જણાને એમ થાય કે ‘હવે આ ફોન જલ્દી ઉઠાવે તો સારું’ એટલો ભંગાર અને લાઉડ રીંગટોન રાખવો નહિ.મોબાઈલ પર્સમાંથી બહાર કાઢતા વાર થાય એમાં કોલ મિસ્ડ થઇ જાય તો સામે ફોન કરી પહેલા સોરી કહેવું એ તમારી ફરજ છે. ફોન કરનાર પતિ કે મંગેતર હોય તો પણ.

મસ્કા ફ્ન
તમે સ્વીચ ઓફ કરો અને તરત ‘હું છું’ એવો અવાજ સંભળાય, તો એ સ્વીચ ટોઈલેટની હશે.

 

About 'બધિર' અમદાવાદી

Columnist with: નવગુજરાત સમય દૈનિક (Jointly with Adhir Amdavadi) ફીલિંગ્ઝ ગુજરાતી મેગેઝીન (કહત બધિરા) Wrote for: મારી સહેલી મેગેઝીન (Monkey बात) અભિયાન મેગેઝીન (Special issues) દિવ્ય ભાસ્કર ડોટ કોમ (બધિર ખડા બાઝાર મેં)
This entry was posted in નવગુજરાત સમય and tagged , , , , . Bookmark the permalink.

3 Responses to મોબાઈલમાં લાઈસન્સ પ્રથા લાગુ થાય તો!

  1. અનામિક કહે છે:

    Very true and eye opening article, but can’t say more because I am one of them who has habit too. Not that bad since Daksha had an accident but bad enough to get in trouble sometimes.

    Like

  2. અનામિક કહે છે:

    The other point I agreed but disagreed on the phone you keep in cinema hall. If you are expecting emergency calls even if you are not doctor, then keep on vibrate. I do get so many calls from work and I need to keep the phone on, but it is on vibrate.

    Like

આપનો પ્રતિભાવ અમારા માટે અમુલ્ય છે. પ્રતિભાવ આપતી વખતે નીચે આપનું નામ લખવાનું ચૂકશો નહિ.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s