ઓ! તારી …


Click on image to visit O! Taree’s Facebook page

છેવટે જોઈ આવ્યો!

સસ્પેન્સ થ્રીલર્સનો વાંચવાનો અને જોવાનો પહેલેથી શોખ હોઈ સમય મળે ત્યારે પહેલી પસંદ એ જ હોય. આ સિલસિલામાં છેલ્લો ઉમેરો ‘ઓ! તારી’નો છે. આગળ લખું એ પહેલા કહી દઉં કે મજ્જા આવી ગઈ બાવા!

શરૂઆત થી જ હિન્દી ફિલ્મોની હરીફાઈમાં હાંફીને હાંસિયામાં ધકેલાઈ ગયેલી ગુજરાતી ફિલ્મ ઇન્ડસ્ટ્રી છેલ્લા કેટલાક સમયથી જાણે આળસ મરડીને બેઠી થઇ હોય એવું લાગે છે. નવા આકર્ષક ચહેરા, હિન્દી ફિલ્મોને કડક સ્પર્ધા આપી શકે એવું દિગ્દર્શન અને અભિનય, ફાસ્ટફૂડ જેવું ચટાકેદાર સંગીત અને મેટ્રો કલ્ચરની પશ્ચાદભૂમિ ઉપર લખાયેલી વાર્તાને અનુરૂપ સિનેમેટોગ્રાફીને લઈને પ્રેક્ષકો થીયેટર સુધી આવતા થયા છે એનો આનંદ છે. ખરેખર નવી ટેલેન્ટનો પ્રવાહ ચાલુ થયો હોય એવું ચોક્કસ લાગે છે. આ બધા વચ્ચે ‘અર્બન ગુજરાતી ફિલ્મ’ના નામે લાભ ખાટવા નીકળી પડેલા સર્જકોની ફિલ્મો પણ આવી ગઈ. કોઈ વાંધો નથી. એમને પણ હાથ અજમાવી જોવા દો. જે ન ગમે એને બેશક અવગણજો. એટલું યાદ રાખજો કે પૂર આવે ત્યારે પાણી ભલે ડહોળું લાગે, પણ જ્યારે પ્રવાહ ધીમો અને સ્થિર થાય ત્યારે એ નિર્મળ બની જાય છે. અત્યાર સુધી પ્રેક્ષકોએ જે સુઝબુઝ બતાવી છે એની ઉપર ભરોસો રાખજો.

‘ઓ! તારી..’ આ આવકાર્ય સિલસિલાને આગળ ધપાવતી ફિલ્મ છે. મેટ્રો સિટીના યુવાનોની તોફાન મસ્તીમાંથી આકાર લેતી રહસ્ય કથા એના સરળ સ્ટોરી ટેલિંગને લીધે કોઈ પણ જાતના બોજ વગર માણી શકાય એવી છે. એક્શન, રોમાન્સ, કોમેડી અને સસ્પેન્સ સાથે એકધારી ગતિથી વાર્તાને આગળ ધપાવવામાં દિગ્દર્શક તપન વ્યાસ સફળ રહ્યા છે. વાર્તાને અનુરૂપ ડાયલોગ માટે મનીષ વૈદ્ય અને વિપુલ વિઠલાણીને દિલથી અભિનંદન. કલાકારો પાત્રોને અનુરૂપ છે અને એમનો અભિનય પણ કથાના ટેમ્પોને દરેક તબક્કે ન્યાય આપે છે. રેવંત, જાનકી, રિદ્ધિ, પ્રતિક, ધૈવત, ખુશી – keep up the good work. જયેશ ભાઈ, રાગી ભાઈ, પધ્મેશ ભાઈ જેવા સીનીયર કલાકારો માટે કંઈ કહેવાનું હોય નહિ. એમના માથે જવાબદારી મોટી છે અને આ ફિલ્મમાં એમના ભાગે આવેલી જવાબદારી એમણે જે રીતે નિભાવી છે એનાથી નવી પ્રતિભાઓનું કામ પણ દીપી ઉઠ્યું છે.

કેમેરા દ્વારા પણ ઘણી વાત કહેવાઈ છે. શરૂઆતનો ઝડપી ઘટના ક્રમ પ્રિન્સીપાલના રોલમાં જહાંગીર કરકરિયાના અદભૂત કોમિક ટાઈમિંગના કારણે ક્રિસ્પી બન્યો છે. લવ યુ દોસ્ત! તારી સ્ક્રીન પ્રેઝન્સ ખરા અર્થમાં રોકિંગ હતી! ચેઝ સિક્વન્સ આ ફિલ્મનું મજબુત પાસું છે. પથરાળ કોતરો અને રૂફ ટોપ પરની હાઈ ટેમ્પો ચેઝ સીક્વન્સનું એડીટીંગ પણ ફ્લોલેસ છે. શરબતી આંખોની અસર… ગીતમાં ડીફ્યુઝ લાઈટમાં એરિયલ ફોટોગ્રાફી દ્વારા આકાશના આસમાની, સમુદ્રના બ્લ્યુ અને દરિયા કિનારાની કરાડોના આછા ભૂરા કેનવાસ પર કોસ્ચ્યુમના રંગો ગીતને સુંદર આયામ આપે છે. ઓ ત્તારીની ટીમને જે મળશે એ આ લોકેશન વિષે જરૂર પૂછશે.  આ વાતની ખાતરી કરવી હોય તો રીવ્યુના છેડે લીંક આપી છે જોઈ લેજો. ઝૂમી ઉઠાય એવા કમ્પોઝીશન તથા ગાયકી માટે હાર્દિક-ઈશાની દવે અને ગીતના શબ્દો માટે મિલિન્દ ગઢવી અને ચિરાગ ભાઈને બધાજ ગીતો માટે દિલથી અભિનંદન. આવા સારા શબ્દો/ કમ્પોઝીશનો આપશો તો આપણે બહુ જલ્દીથી બગાસા આવે એવા સુગમ સંગીત (એ સ્ટેજ ઉપર રહે એ સારું છે) ની છાયામાંથી બહાર આવીશું. યો …
શરબતી પ્રેમનો ગુલાબી રંગ – Video (Facebook Login required) :

Advertisements

About 'બધિર' અમદાવાદી

Columnist with: નવગુજરાત સમય દૈનિક (Jointly with Adhir Amdavadi) ફીલિંગ્ઝ ગુજરાતી મેગેઝીન (કહત બધિરા) Wrote for: મારી સહેલી મેગેઝીન (Monkey बात) અભિયાન મેગેઝીન (Special issues) દિવ્ય ભાસ્કર ડોટ કોમ (બધિર ખડા બાઝાર મેં)
This entry was posted in Movie Review and tagged , . Bookmark the permalink.

4 Responses to ઓ! તારી …

  1. Bhumika કહે છે:

    Khubj Sara’s 👍:-)

    Liked by 1 person

  2. saurabh panchal કહે છે:

    That was awesome movie,You brought revolution in gujarati movies.keep us entertained,and congratulations for your successful movie!!

    Liked by 1 person

આપનો પ્રતિભાવ અમારા માટે અમુલ્ય છે. પ્રતિભાવ આપતી વખતે નીચે આપનું નામ લખવાનું ચૂકશો નહિ.

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s